كشفت هيئة النزاهة وكما نقلت بعض وسائل الاعلام العراقية، عن مصادقة الهيئة التمييزية الجزائية في محكمة استئناف بغداد الرصافة الاتحادية على قرار الحبس الشديد بحق المدير العام السابق لشركة التجهيزات الزراعية (عصام جعفر عليوي) الصادر عن محكمة الجنح المختصة بقضايا النزاهة والجريمة الاقتصاديَّة وغسيل الأموال. وذكرت الهيئة في بيان، أن القرار يقضي بحبس المدان حبساً شديداً لمدَّة سنتين استناداً إلى أحكام المادَّة 331 عقوبات، لتسببه بإلحاق ضرر بالمال العام بلغ 30 مليار و71 مليوناً 606 دينار. وكانت هيئة النزاهة قد أعلنت في الخامس من أيلول عن تمكن مفارزها من إلقاء القبض على المدير العام السابق لشركة التجهيزات الزراعية عصام جعفر عليوي في منفذ الشلامجة الحدودي بعد تمكنه من الهروب من أحد مراكز الشرطة ببغداد.
وكشفت هيئة النزاهة في وقت سابق عن تفاصيل إنجازاتها وأعمالها التحقيقيَّة والقانونيَّة للنصف الأول من العام 2017، معلنة استرجاع ومنع هدر وإيقاف صرف قرابة ترليون دينار، وبلغ عدد المتهمين المحالين من محكمة تحقيق النزاهة على محاكم الجنح والجنايات (1255) متهماً، منهم 7 وزراء ومن هم بدرجتهم من الوزراء، حيث صدر بحقهم 9 قرارات بالإحالة، وبلغ عددُ المحالين على القضاء من ذوي الدرجات الخاصَّـة والمديرين العامَّـين 55 متَّهماً، صدر بحقهم 81 قراراً بالإحالة.
قضية عليوي كغيرها من قضايا الفساد المالي والاداري السابقة اثارت الكثير من ردود الافعال في صفحات مواقع التواصل الاجتماعي التي انشغلت كثير بحادثة الهروب والحكم القضائي الصادر بحق المدان، فتحت تقرير خاص لقناة الحرة عراق على صفحتها في الفيس بوك اختلفت اراء وتعليقات المستخدمين على هذا التقرير الذي جاء تحت عنوان( هيئة النزاهة: الحبس سنتان للمدان عصام جعفر عليوي لاختلاسه أكثر من 30 مليار دينار) حيث علق(Melad Alzahawi) قائلاً: ماكو هيج حكم. يعني اني طالب قانون واعرف الي يأخذ أموال الدولة ميطلع اله يرجعها وإذا ويعترف يصادرون جميع أمواله وممتلكاته وماكو شيء اسمة سنتين. بس هذوله قانونهم وحد هم صدك.
حساب (تفرج يا اعراق) قال تحت هذا المنشور: الحبس ليس بالشديد وعنده مجال يذهب الى اهله ويرجع وبصحبة ضابط الخفر هذا ليس بسجن هذه نزهة وبعدها هو الفائز بالقضية والقاضي خسران لان الاموال الي سرقه تكفيه طول عمره الله يرحمك يا بلدي يا عراق. اما (Ahmed Albaghdady) فكت معلقاً: يعني باليوم الواحد ٤١٦٦٦٦٦٦ واحد واربعين مليون وستمائة وسته وستون الف وستمائة وسته وستون دينار يعني يوميته تعادل راتب شهري لبرلماني هو وحمايته، حقه والله البرلماني السابق يطلعه اذا يأخذ ثلثها بس هذه ١٠ مليار دينار شبيها الله ينتقم منكم ومن الوراكم ومن الي يتبعكم ومن كل واحد سرق او مس عراقي والفلوس الي اخذتوها ان شاء الله تبين حوبتها بيكم وبعوائلكم واتباعكم ياقرده ياخنازير.
Bazoon Haider) ) قالت: على هاي الحسبة راح يشجعون اللي ما يسرق حتى يسرق ويختلس....شنو سنتين ...هذا لازم مؤبد وتقطع أيديه الاثنين.. وتصادر امواله واموال اهله حتى يكون عبرة لمن لا يعتبر....بس قضائنا ما ادري شبيه يراد له رجه كهرباء قويه ترجعه لمسارة الصحيح لأنه اعوج. اما حساب (Caser Yasser) فقال: مختلس 30 مليار يحكم بسجن لمدة سنتين فقط يا بلاش والله عمي خل كل مدير عام يسرق وينحكم سنتين احسن مما يخدم 25 او 30 سنة وبعدين يأخذ تقاعد 400 الف او 500 الف بالشهر .. هيج حالات ينحكم اعدام حتى يصير عبرة لغيرة بس هذه الاحزاب شنترجى منها.
(كرار الخيكاني) قال تحت هذا المنشور: عجيب 30 مليار دينار من اموال الحق العام ينحكم سنتين بس والفقير اذا باك كلينكس الله يعلم شكد ينحكم، الله ينتقم منكم المفروض اعدام ليش شلون راح يصير عبرة لغيرة اذا سنتين بالسجن متونس مكان زين ونت وتلفزيون وتلفون براحته واكيد. (أنور الياسري) كتب قائلاً: عدنا موظف فقير كاعد بالإيجار هو عمله جابي كهرباء بالدائرة اختلس ٢٠٠ ألف دينار انحكم سنه وعزل من الوظيفة وهو على أبواب تقاعد وراحت عليه كل حقوقه إلك الله يالفقير.
(احمد برواري برواري البازي) من جانبه قال: بهذه الطريقة يشجعون المسؤولين على السرقات. ويبات له سنه او سنتين في سجن هو الاخر خاص ومريح خمس نجوم ويخرج بعدها ليتمتع بما سرق. علنا وهذا افضل له لو تصرف بهذه الاموال خلسة لانه حين ذاك لم يكن حرا ويخشى كشف امره لاكن السجن المرفه خفف عنه هذا المعوق بوركت يا عراق بالحكومة القرقوزية والقوانين الانتقائية. (محمد الزيادي) قال: سجن سنتين والله مهزلة لعد ابو باكيت الكلنس وابو قوطية الحليب حكمتوه خمس سنين ولكم شنو من حكم هذا يعني ينام سنتين وخامطله 30 مليار لا هوايه راح توكفون الفساد يا رب الفساد.
Zainab Majid) ) قال: يعني ١٥مليار بسنة سجن والسنة بالسجن ٩اشهر تمام احسن ما اروح اتوظف وانتظر الراتب لو يجي لو ميجي اخذ١٥مليار وتخلص السنه بالسجن بسرعه وارجع اكمل حياتي طبيعي حكومتنا من اي كوكب انتواا؟!. (متحري القصد) كتب قائلاً: ويل لامه اذا سرق القوي تركوه واذا سرق الضعيف اقاموا عليه الحد، وتردون الله يوفقنه بعد وتمطر الدنيا علينه ويصير عدنه زراعه وتجاره وتربيه وتعليم وجو لطيف وامان واستقرار كيفما تكونوا يولى عليكم.
(جانيت الريكانية) من جانبها قالت: الطفل الذي سرق 4 علب مناديل ورقية(كلينكس)حكم بسنة سجن رغم ان عمر الطفل لم يتجاوز الاثنا عشر عاما ومن عائلة نازحة... كان يبيع علب المناديل لكسب قوته اليومي.....والسيد عليوي متهم بسرقة 30 مليار دينار عراقي حكم بسنتين سجن....مارأيكم اصدقائي...؟؟..أين العدالة...لكم التعليق. (جعفر ابوحسين) قال: اختلاس 30 مليار وحكم عليه 2سنه سنتين سجن، اي قاضي هذا واي قانون والله عيب وخزي تطبيق مقوله قديمه الذي يسرق فلس مثل الذي يسرق دبابه كلها سرقه ،اسرقوا اسرقوا اسرقوا كلها حساب واحد لا تسرقوا قليل، عاملة تنظيف في احدى المستشفيات (فراشه)حكم عليها 3 ثلاث سنوات سجن لانها اخذت اكراميه من عائله رزقهم الله بمولود المبلغ 50 الف خمسون الف دينار عراقي هذه القضية اعلنها السيد بهاء الاعرجي اين ضمير القاضي الذي اصدر الحكم.
اضف تعليق